Tgi nus essan
Start
Camp 1
Camp 2
Camps Cadi - dapi 1992 cheu per nossa giuventetgna

Dapi 1992 organiseschan las pleivs catolicas ensemen culla pleiv reformada dalla Cadi camps per affons e giuvenils. La finamira ei da pussibilitar a nossa giuventetgna vacanzas ch'els fagessen schiglioc mai, cunzun per quellas persunas che han buca la pusseivladad dad ir naven da casa. Ils camps vegnan purtai dalla fundaziun ecumena Tür auf - mo vinavon (link) alla quala era las vischnauncas politicas appartegnan.

Nossas finamiras
Nossas finamiras van denton pli lunsch che mo porscher vacanzas. Nus lein tgirar els camps il senn da responsabladad e la cuminonza. Valurs cristianas stattan el center. Ils participonts duein saver ch'ins sto porscher zatgei per saver guder enzatgei auter. Nus lein far prevenziun e mussar ch'ina jamna da cuminonza basegna buca mieds electronics ni drogas per sedivertir. Ils camps stattan el senn cristian ed il ponderar e far patratgs davart la veta ed igl agir da nusezs stat el center. Ils giuvenils duein denton era emprender da sestelegiar: el camp 1 el ravugl dil camp, el camp 2 enteifer in ambient pli grond, in marcau. Naturalmein ch'els duein era emprender d'enconuscher novas culturas ed autras modas da viver. Ils camps daventan aschia pass per il viadi ella veta. Nus sperein fermamein che nossa giuventetgna s'engaschi lu era a casa e detti vinavon quei spért da cuminonza ella famiglia, ellas uniuns ed el vitg.
davosa actualisaziun ils 14.05.2018
Start
>
Tgi nus essan
>